திரைக்கதம்பம் மலர் - 5

திரைக்கதம்பம் மலர் - 4 ல் கேட்கப்பட்ட கேள்வி:

தமிழ் திரைப்படங்களின் தலைப்புகளில், முதல் எழுத்தும் கடைசி எழுத்தும், ஒரே எழுத்தாக அமைந்த, தமிழில்   வெளிவந்துள்ள  திரைப்படங்களின் பெயர்களை நண்பர்கள் எழுதி அனுப்ப வேண்டும்.  

 

குறிப்பு:

அவை 2 எழுத்துக்கள் கொண்ட தலைப்பாகக் கூட இருக்கலாம்.    

வேறு மொழியிலிருந்து தமிழ் மொழியாக்கம் செய்யப்பட திரைப்படங்கள் கணக்கில் எடுத்துக்கொள்ளலாகாது. 

விடைகள்:

திரைப்படங்களின் பெயர்களும், அவை வெளிவந்த ஆண்டும் கீழே கொடுக்கப்பட்டுள்ளன. 

1.    சிவலிங்க சாட்சி               (1942)
2.    குடும்ப விளக்கு                (1956)
3.    குலவிளக்கு                      (1969) 
4.    வா ராஜா வா                    (1969) 
5.    திக்கற்ற பார்வதி              (1974)
6.    மிட்டாய் மம்மி                  (1976)
7.    வாலிபமே வா வா            (1982)
8.    வா கண்ணா வா               (1982)
9.    கை கொடுக்கும் கை         (1984)
10.  புதிய தீர்ப்பு                        (1985)
11.  திருமதி ஒரு வெகுமதி     (1987)
12.  வா அருகில் வா                (1991)
13.  வா மகளே வா                  (1994)
14.  திருமூர்த்தி                        (1995)
15.  சிம்மராசி                           (1998)
16.  கண்மணி  உனக்காக        (1999)
17.  கண்ணுக்கு கண்ணாக      (2000)
18.  பாபா                                  (2002)
19.  ஜேஜே                                (2003)
20.  கையோடு கை                   (2003)
21.  ராமச்சந்திரா                      (2003)
22.  சிவகாசி                             (2005)
23.  திருப்பதி                            (2006)
24.  திண்டுக்கல் சாரதி            (2008)
25.  வாலிபமே வா                   (2010)
26.  கனகவேல் காக்க              (2010)
27.  விகடகவி                          (2011)
28.  ராரா                                  (2011)
29.  வாகை சூடவா                  (2011)
30.  யாயா                                (2013)       

*  சௌசௌ  தலைப்பில் ஒரு திரைப்படம் 1945ல்  வெளிவந்தது. அது உண்மையில் 3 சிறு குறும்படங்களின் தொகுப்பு. (1. கலிகால மைனர்  2. பள்ளி நாடகம்  3. சூரப்புலி). சௌசௌ என்றால் கலவை என்று பொருள். இதன் காரணமாக இது பட்டியலில் சேர்க்கப்படவில்லை.                         
 

விடைகளை அனுப்பியிருந்தவர்கள்:

1.    மாதவ் மூர்த்தி            (12 படங்கள்)
2.    முத்து சுப்ரமண்யம்    (25 படங்கள்)

இவர்கள் இருவருக்கும் பாராட்டுக்கள். நன்றி.       
 

திரைக்கதம்பம் மலர் - 5

திரைப்படங்களின் தலைப்புகள் பற்றிய ஆய்வு தொடர்கிறது.

   

தமிழ் திரைப்படங்களின் தலைப்புகளில், ஒரே உயிரெழுத்தை அடிப்படையாகக் கொண்டு,  உயிர், உயிர்மெய் எழுத்துக்களால் அமைந்தவையாக பல (ஏறத்தாழ 20) திரைப்படங்கள் வெளிவந்துள்ளன.   

 

உதாரணமாக, கீழே சில திரைப்படங்களின் பெயர்கள் அல்லாத சில தலைப்புகளைக் கொடுத்திருக்கிறேன்.   உருபு,  விசிறி,  கலவர, மாமா, சைகை.   

திரைக்கதம்பம்  மலர்  - 5 க்கான கேள்வி:

தமிழ் திரைப்படங்களின் தலைப்புகளில், ஒரே உயிரெழுத்தை அடிப்படையாகக் கொண்டு,  உயிர், உயிர்மெய் எழுத்துக்களால் அமைந்த, தமிழில்   வெளிவந்துள்ள  திரைப்படங்களின் பெயர்களை நண்பர்கள் எழுதி அனுப்ப வேண்டும்.  

 

குறிப்பு:

அவை 2 எழுத்துக்கள் கொண்ட தலைப்பாகக் கூட இருக்கலாம். ஒரே எழுத்தை அடிப்படையாகக் கொண்டவையாகவும் இருக்கலாம்.    

வேறு மொழியிலிருந்து தமிழ் மொழியாக்கம் செய்யப்பட திரைப்படங்கள் கணக்கில் எடுத்துக்கொள்ளலாகாது.

விடைகளை பின்னூட்டம் மூலமாக எழுதி அனுப்பவும்.

திரைப்படங்களின் பெயர்களை தமிழில் கீழ்க்கண்ட website சென்று பார்க்கலாம்.

http://reversetamilcinema.blogspot.in/2013/02/1940-2012.html
 

ராமராவ்   

திரைக்கதம்பம் மலர் - 4

திரைக்கதம்பம் மலர் - 3 ல் கேட்கப்பட்ட கேள்வி:

தமிழ் திரைப்படங்களின் தலைப்புகளில், ஒரே வருக்கத்தைக் கொண்டு, வெளிவந்துள்ள திரைப்படங்களின் பெயர்களை நண்பர்கள் எழுதி அனுப்பலாம். 

குறிப்பு:

விடைகள் மொத்தமே  9 (ஒன்பது) திரைப்படங்கள் தான். அவை 2 எழுத்துக்கள் கொண்ட தலைப்பாகக் கூட இருக்கலாம்.   

வேறு மொழியிலிருந்து தமிழ் மொழியாக்கம் செய்யப்பட திரைப்படங்கள் கணக்கில் எடுத்துக்கொள்ளலாகாது. 

விடைகள்:

திரைப்படங்களின் பெயர்களும், அவை வெளிவந்த ஆண்டும் கீழே கொடுக்கப்பட்டுள்ளன. 

1.    பாபு                 (1971)
2.    பாபா               (2002)
3.    ஜேஜே             (2003) 
4.    காக்க காக்க   (2003) 
5.    கொக்கி          (2006)
6.    அஆஇஈ          (2009)
7.    ராரா               (2011)
8.    லீலை             (2012)
9.    யாயா             (2013) 
 

விடைகளை அனுப்பியிருந்தவர்கள்:

1.    முத்து சுப்ரமண்யம்    (7 படங்கள்)
2.    யோசிப்பவர்               (1 படம்)
3.    மாதவ் மூர்த்தி             (6 படங்கள்)  
 

திரைக்கதம்பம் மலர் - 4

திரைப்படங்களின் தலைப்புகள் பற்றிய ஆய்வு தொடர்கிறது.

   

தமிழ் திரைப்படங்களின் தலைப்புகளில், முதல் எழுத்தும் கடைசி எழுத்தும்  ஒரே எழுத்தாக அமைந்து பல (25க்கும் மேற்பட்டவை)திரைப்படங்கள்   வெளிவந்துள்ளன.

 

உதாரணமாக, கீழே சில திரைப்படங்களின் பெயர்கள் அல்லாத சில தலைப்புகளைக் கொடுத்திருக்கிறேன்.   புன்சிரிப்பு, தை பிறந்த கதை,  சார் வந்தாச்சா, மேகமே   

திரைக்கதம்பம்  மலர்  - 4 க்கான கேள்வி:

தமிழ் திரைப்படங்களின் தலைப்புகளில், முதல் எழுத்தும் கடைசி எழுத்தும், ஒரே எழுத்தாக அமைந்த, தமிழில்   வெளிவந்துள்ள  திரைப்படங்களின் பெயர்களை நண்பர்கள் எழுதி அனுப்ப வேண்டும்.  

 

குறிப்பு:

அவை 2 எழுத்துக்கள் கொண்ட தலைப்பாகக் கூட இருக்கலாம்.   

வேறு மொழியிலிருந்து தமிழ் மொழியாக்கம் செய்யப்பட திரைப்படங்கள் கணக்கில் எடுத்துக்கொள்ளலாகாது.

விடைகளை பின்னூட்டம் மூலமாக எழுதி அனுப்பவும்.

திரைப்படங்களின் பெயர்களை தமிழில் கீழ்க்கண்ட website சென்று பார்க்கலாம்.

http://reversetamilcinema.blogspot.in/2013/02/1940-2012.html
 

ராமராவ்   

திரைக்கதம்பம் மலர் - 3

திரைக்கதம்பம்    மலர் - 2 ல் கேட்கப்பட்ட கேள்வி:


மெய்யெழுத்துக்களே  தலைப்புகளில் இல்லாத  8, 9, 10, 11 எழுத்துக்களைக் கொண்ட  திரைப்படங்களின்  பெயர்களை  அனுப்ப வேண்டும். 

விடைகள்:

 

மொத்தம் 14 (பதினான்கு) திரைப்படங்கள் இதுவரை மெய்யெழுத்துக்களே தலைப்பில் இன்றி, 8, 9, 10, 11 எழுத்துக்களில் தலைப்புகளாகக் கொண்டு வெளிவந்துள்ளன.

அந்த திரைப்படங்களின் பெயர்களும், அவை வெளிவந்த ஆண்டும் கீழே கொடுக்கப்பட்டுள்ளன. (விடைகள்):

1.    அதிரூப அமராவதி              (1935) - 9
2.    லீலாவதி சுலோசனா          (1936) - 8
3.    அனுபவி ராஜா அனுபவி     (1967) - 10
4.    ஒரு இரவு ஒரு பறவை       (1981) - 10
5.    மாமியாரா மருமகளா         (1982) - 9
6.    ஒரு வாரிசு உருவாகிறது    (1982) - 11
7.    ஒரு ஓடை நதியாகிறது      (1983) - 10
8.    யாரோ எழுதிய கவிதை     (1986) - 9
9.    திருமதி ஒரு வெகுமதி       (1987) - 10
10.  உயிரோடு உயிராக             (1998) - 8
11.  சிகாமணி ரமாமணி           (2001) - 8
12.  இளசு ரவுசு புதுசு                 (2003) - 9
13.  திரு திரு துறு துறு              (2009) - 8
14.  வெயிலோடு விளையாடு   (2012) - 8

இவற்றில் 11 எழுத்துக்களைக் கொண்ட "ஒரு வாரிசு உருவாகிறது" என்ற திரைப்படம் தான், அதிக எழுத்துக்களை மெய்யெழுத்துக்களே இன்றி, தலைப்பாகக் கொண்டு வெளிவந்த திரைப்படம். 

 

திரைக்கதம்பம் மலர் - 3

திரைப்படங்களின் தலைப்புகள் பற்றிய ஆய்வு தொடர்கிறது.

தமிழ் எழுத்துக்களை உயிரெழுத்துக்கள் வருக்கம், உயிர்மெய்யெழுத்துக்கள் வருக்கம் என்று பிரித்துக்கொள்ளலாம்.

 

உயிரெழுத்துக்கள் வருக்கம் :  அ,ஆ,இ,ஈ,உ,ஊ,எ,ஏ,ஐ,ஒ,ஓ,ஔ 

உயிர்மெய்யெழுத்துக்கள் வருக்கம்  மொத்தம் 18.

அவை: க,ங,ச,ஞ,ட,ண,த,ந,ப,ம,ய,ர,ல,வ,ழ,ள,ற,ன - வருக்கங்கள்.

உதாரணமாக,

"க" வருக்கம்:   க, கா, கி, கீ, கு, கூ, கெ, கே, கை, கொ, கோ, கௌ 

"த" வருக்கம்:   த, தா, தி, தீ, து, தூ, தெ, தே, தை, தொ, தோ, தௌ

"ம" வருக்கம்:  ம, மா, மி, மீ, மு, மூ, மெ, மே, மை, மொ, மோ, மௌ

                  

தமிழ் திரைப்படங்களின் தலைப்புகளில், ஒரே வருக்கத்தைக் கொண்டு, ஒரு சில திரைப்படங்களே வெளிவந்துள்ளன.

 

உதாரணமாக, கீழே சில திரைப்படங்களின் பெயர்கள் அல்லாத சில சொற்களைக் கொடுத்திருக்கிறேன்.    பாப்பா, தித்தித்தது, காக்கை    

  

திரைக்கதம்பம்  மலர்  - 3 க்கான கேள்வி:

தமிழ் திரைப்படங்களின் தலைப்புகளில், ஒரே வருக்கத்தைக் கொண்டு, வெளிவந்துள்ள திரைப்படங்களின் பெயர்களை நண்பர்கள் எழுதி அனுப்பலாம். 

 

குறிப்பு:

விடைகள் மொத்தமே  9 (ஒன்பது) திரைப்படங்கள் தான். அவை 2 எழுத்துக்கள் கொண்ட தலைப்பாகக் கூட இருக்கலாம்.   

வேறு மொழியிலிருந்து தமிழ் மொழியாக்கம் செய்யப்பட திரைப்படங்கள் கணக்கில் எடுத்துக்கொள்ள வேண்டாம்.

விடைகளை பின்னூட்டம் மூலமாக எழுதி அனுப்பவும்.

திரைப்படங்களின் பெயர்களை தமிழில் கீழ்க்கண்ட website சென்று பார்க்கலாம்.
http://reversetamilcinema.blogspot.in/2013/02/1940-2012.html
 

ராமராவ்   

திரைக்கதம்பம் மலர் - 2

திரைக்கதம்பம்    மலர் - 1 ல் கேட்கப்பட்ட கேள்வி:

"ராஜாதி ராஜ ராஜ குலோத்துங்க ராஜ மார்த்தாண்ட  ராஜ  கம்பீர  காத்தவராய  கிருஷ்ண காமராஜன்"

 

திரைப்படத்தை அடுத்து அதிக எழுத்துக்களை தலைப்பாகக்   கொண்டு  தமிழ் மொழியில் வெளிவந்த திரைப்படம்  எது? / திரைப்படங்கள் யாவை? 

சரியான விடைகள்:

1.    உழவுக்கும் தொழிலுக்கும் வந்தனை செய்வோம் 
2.    அழகாய் இருக்கிறாய் பயமாய் இருக்கிறது

இந்த திரைப்படங்களின் தலைப்புகள்  20  எழுத்துக்களைக் கொண்டவை.  

இந்த சரியான விடைகளை அனுப்பியவர்கள்:   Madhav, முத்து, மதுமதி 

 

இவர்கள்  மூவருக்கும் பாராட்டுக்கள்.  நன்றி.

குறிப்பு: 
1.       இரண்டு தலைப்புக்கள் கொண்ட திரைப்படங்கள் கணக்கில் சேராது.
2.       அடுத்து அதிக  (19) எழுத்துக்களை தலைப்பாக கொண்ட திரைப்படங்கள்:  
                 1.  ஆயிரம் தலைவாங்கிய அபூர்வ சிந்தாமணி 
                 2.  பொறந்தாலும் ஆம்பிளையா பொறக்கக்கூடாது 
 

திரைக்கதம்பம் மலர் - 2

திரைப்படங்களின் தலைப்புகள் பற்றிய ஆய்வு தொடர்கிறது.

தமிழ் மொழி,   உயிர் எழுத்துக்கள், மெய்யெழுத்துக்கள், ஆய்த எழுத்து, உயிர்மெய்யெழுத்துக்கள் என மொத்தம் 247 எழுத்துக்களைக்  கொண்டது.  இவற்றைத் தவிர, ஜ, ஸ, ஷ, ஹ   என்ற எழுத்துக்களை அடிப்படையாகக்   கொண்ட  வடமொழி   எழுத்துக்கள்  52ம், தமிழில் உபயோகத்தில் உள்ளன.

 

மெய்யெழுத்துக்களை தவிர, மற்ற எழுத்துக்களில் ஓரெழுத்தை  தலைப்புகளாக  கொண்டு  திரைப்படங்கள் வெளிவந்துள்ளதையும்,  வெளிவரப்போவதையும்  மலர் - 1 ல் பார்த்திருக்கலாம். 

 

ஆனால் ஒன்றுக்கு மேற்பட்ட எழுத்துக்களை தலைப்பாக கொண்டுள்ள திரைப்படங்களை ஆராய்ந்தால்,

ஒரேழுத்துக்குமேல் உயிரெழுத்துக்களை மட்டுமே தலைப்பாக  கொண்டு தமிழில் வெளிவந்த ஒரே திரைப்படம்:          அ ஆ இ ஈ 

 

மெய்யெழுத்துக்களே  இல்லாமல் தலைப்புகளைக் கொண்டு எத்தனையோ  திரைப்படங்கள் வெளிவந்துள்ளன.  உதாரணமாக, மெய்யெழுத்துக்களே  இல்லாமல், 2, 3, 4, 5, 6, 7 எழுத்துக்களைக் கொண்ட  திரைப்படத் தலைப்புகள்:

 

2 எழுத்துக்கள்:   ஆசை,  ஐயா,  குஷி,  பசி,  மாயி ..............

3 எழுத்துக்கள்:   தலைவா,  பிரியா,  அழகி,  மிளகா,  தவசி ..............          

4 எழுத்துக்கள்:   மகாநதி,  சரவணா,  திருடாதே,  பாதபூஜை .............

5 எழுத்துக்கள்:   கலையரசி,  தகதிமிதா,  குடியரசு,  அமராவதி ............

6 எழுத்துக்கள்:   தாமிரபரணி,  பணமா பாசமா, சதி லீலாவதி,  ............

7 எழுத்துக்கள்:   பிரியமானவளே, விவரமான ஆளு, நீ ஒரு மகாராணி  .......

 

இதற்கு மேல் மெய்யெழுத்துக்களே  இல்லாமல்  8, 9, 10, 11 எழுத்துக்களை தலைப்புகளாகக்  கொண்ட  திரைப்படங்கள்  மிகவும் குறைவு.

 

திரைக்கதம்பம்  மலர்  - 2  க்கான கேள்வி:

 

மெய்யெழுத்துக்களே  தலைப்புகளில் இல்லாத  8, 9, 10, 11 எழுத்துக்களைக் கொண்ட  திரைப்படங்களின்  பெயர்களை  நண்பர்கள்  அனுப்ப வேண்டும். நண்பர்களுக்கு எவ்வளவு திரைப்படங்களின் பெயர்கள் தெரிகிறதோ, அவற்றை தொடர்ந்து அனுப்பலாம்.  விடைகளை பின்னூட்டம் மூலமாக அனுப்பவும்.

 

குறிப்பு:
விடைகள் மொத்தமே  15 க்கும்  குறைவான திரைப்படங்கள் தான். ஒரே ஒரு திரைப்படம் தான் மெய்யெழுத்துக்களே  இல்லாமல்  அதிகமாக 11 எழுத்துக்களைக் கொண்டது.  பெரும்பாலான திரைப்படங்கள் 1980 (1980 - 1989) களில் வெளிவந்தவை.  

திரைப்படங்களின் பெயர்களை தமிழில் கீழ்க்கண்ட website சென்று பார்க்கலாம்.

http://reversetamilcinema.blogspot.in/2013/02/1940-2012.html
 

ராமராவ்   

மலர் - 1

1931-ம் ஆண்டு வெளிவந்த "காளிதாஸ்" தமிழ் திரைப்படத்தை தொடர்ந்து, இதுநாள்வரை  6000 க்கும் அதிகமான  தமிழ் திரைப்படங்கள் வெளிவந்துள்ளன. மேலும் ஒவ்வொரு ஆண்டும்  100 க்கும் மேற்பட்ட தமிழ் திரைப்படங்கள் வெளிவந்து கொண்டிருக்கின்றன. வேற்று மொழியில் தயாரிக்கப்பட்டு  தமிழில் மொழிமாற்றம் செய்யப்பட்ட திரைப்படங்கள் இந்த பட்டியலில் சேராது.  

 

50 வருடங்களுக்கு முன்பு சில திரைப்படங்களுக்கு இரண்டு தலைப்புகள் வைத்திருந்தனர். உதாரணமாக எம்.ஜி.ஆர். நடித்து 1941ம் ஆண்டு வெளிவந்த திரைப்படத்திற்கு வேதவதி அல்லது சீதா ஜனனம் என்று தலைப்புகள் வைத்திருந்தார்கள். ஆனால்  பிற்காலத்தில் இதுமாதிரியான இரண்டு தலைப்புகள் வைப்பது நிறுத்தப்பட்டுவிட்டது.

 

ஆனால் அக்காலம் முதல் இன்றுவரை  பல தமிழ்  திரைப்படங்களுக்கு  ஏற்கனவே வெளிவந்த திரைப்படத்தின் பெயரையே திரும்பவும்  வைத்துக் கொண்டிருக்கிறார்கள். அந்த அளவுக்கு தமிழ் திரைப்படத் தலைப்புகளுக்கு பஞ்சமாகி விட்டது போலும்.

 

இது போதாதென்று ஒரே தலைப்பைக் கொண்டு இரண்டு அல்லது மூன்று தயாரிப்பாளர்கள் (ஒருவருக்கொருவர் அறியாமல்) திரைப்படங்களை தயாரிக்கிறார்கள். பிறகு விஷயம் தெரிந்தபின் வழக்கு, சமரசம் என்று போய் ஒருவழியாக  சமாதானம் ஆகி, ஒரு தயாரிப்பாளர்  திரைப்படத் தலைப்பை மாற்றிவிடுவார். 

 

முன்பாக சில  தமிழ் திரைப்படங்களுக்கு வேற்று மொழி சொற்களை  (குறிப்பாக ஆங்கில சொற்களை) வைத்திருந்தனர்.  கடந்த கலைஞர் ஆட்சியில்  தமிழில் தயாரிக்கப்பட்டு தமிழ் சொற்களையே தலைப்புகளாக வைக்கும் திரைப்படங்களுக்கு வரிவிலக்கு  அளிப்பதாக அரசாணை வெளியிடப்பட்ட பின்னர், வரிவிலக்கு பெறுவதற்காகவே   தமிழ் திரைப்படங்களுக்கு தமிழ் சொற்களையே தலைப்பாக வைத்துவந்தனர்.  ஆனால் தற்போது  திரும்பவும் வேற்றுமொழிச் சொற்களை தமிழ் திரைப்படங்களுக்கு தலைப்பாக வைப்பது தொடங்கிவிட்டது வேதனைக்குரிய விஷயம். (உதாரணம்:  பீட்சா, வில்லா, ஜில்லா, பிரியாணி, ரம்மி, டீல், பென்சில் போன்றவை).

சில தயாரிப்பாளர்கள் புது திரைப்படத்திற்கு தலைப்பு வைக்காமலேயே, படப்பிடிப்பை தொடங்கி விடுகிறார்கள். சமீபத்தில் அஜீத் நடித்து முடித்துள்ள ஆரம்பம் திரைப்படத்திற்கு தலைப்பை படப்பிடிப்புகள் முடிந்தபின்னர்தான் வைத்தார்கள்.

சில தயாரிப்பாளர்கள் ஒரு தலைப்பை வைத்து படப்பிடிப்பை தொடங்கிவிடுகிறார்கள். பிறகு நடுவில் தலைப்பை மாற்றிவிடுகிறார்கள்.  உதாரணமாக சமீபத்தில் வெளிவந்த நய்யாண்டி திரைப்படத்திற்கு முதலில் வைத்த தலைப்பு - சொட்ட வாள குட்டி.

இப்படியாக திரைப்படத்திற்கு தலைப்பு வைப்பதில் பல முறைகளும், சிக்கல்களும் இருந்து வந்துள்ளன / வருகின்றன.

ஓரெழுத்து திரைப்படங்கள் :

முதன் முதலில் தமிழில் ஓரெழுத்தை தலைப்பாகக் கொண்டு வெளிவந்த திரைப்படம்:  நீ.  1965ல்  இந்த திரைப்படத்தில் ஜெய்சங்கர், ஜெயலலிதா நடித்திருந்தனர். இதன்பின் தமிழில்  ஓரெழுத்தைக்கொண்டு  சில  திரைப்படங்கள் வெளிவந்துள்ளன.  இன்னும் வந்து கொண்டிருக்கின்றன.  

ஓரெழுத்து தலைப்புடைய திரைப்படங்களின் பட்டியல்: (தலைப்பும், வெளிவந்த ஆண்டும்)


1.     நீ             (1965)
2.     தீ             (1981)
3.     ஜி           (2005)
4.     ஈ             (2006)
5.     லீ            (2007)
6.     ஃ             (2008)
7.     பூ            (2008)
8.     க            (2009)
9.     தீ            (2009)
10.   மா         (2010)
11.   வ           (2010)
12.   தா          (2010)
13.   கோ       (2011)
14.   டூ            (2011)
15.   மை       (2012)
16.   கை        (2012)

படப்பிடிப்பில் இருப்பவை:

1.   உ
2.   ஐ

ஒரு எண் கொண்ட திரைப்படங்களின் பட்டியல்:

1.    3              (2012)
2.    4              (2013)
3.    6              (2013)

அதிக தமிழ் எழுத்துக்களை கொண்ட திரைப்படம்:

இதுவரை தமிழில் வெளிவந்த திரைப்படங்களிலேயே, அதிக எழுத்துக்களை (மிக நீளமான) தலைப்பைக் கொண்ட திரைப்படம்:  

ராஜாதி ராஜ ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன் 

மன்சூர் அலி கான் கதாநாயகனாக நடித்து 1993ம் ஆண்டில் வெளிவந்த இந்த திரைப்படத்தின் தலைப்பு மொத்தம்  42  தமிழ் எழுத்துக்களைக் கொண்டது.

இப்போது இந்த மலர் - 1 க்கான  கேள்வி:

அடுத்து அதிக எழுத்துக்களை தலைப்பாகக்   கொண்டு  தமிழ் மொழியில் வெளிவந்த திரைப்படம்  எது? / திரைப்படங்கள் யாவை?
 

விடையை பின்னூட்டம் மூலமாக  28.10.2013 க்குள் அனுப்புங்கள்.


ராமராவ்