திரை குறுக்கெழுத்துப் புதிர் - 3

இந்த குறுக்கெழுத்து புதிரின் விடைகள் அனைத்தும் திரைப்படங்களின் பெயர்களே. ஆனாலும் விடைகளை கண்டுபிடிக்க திரைப்படங்களின் பெயர்கள் அறிந்திருக்கவேண்டும் என்ற அவசியமில்லை. விடைகள் திரைப்படங்களின் பெயர்கள் என்பது கூடுதல் குறிப்புகள். அவ்வளவே. புதிரை வழக்கமான குறுக்கெழுத்துப் புதிராக எடுத்துக்கொண்டு விடைகளை கண்டுபிடிக்கலாம்.

குறுக்காக: 5. பாடகரின் கடன் நீங்கியதால் வள்ளல் ஆனார் (2) 6. உறவினில் இருபக்கத்தார் பிரிந்தாலும் தப்பி தவறி உதித்த அபூர்வ ஜென்மம் (6) 7. எட்டு கைகளைக் கொண்ட பெண் தெய்வம் நவராத்திரி நாயகி (5) 8. தங்கமாக ஓடும் காவிரி (3) 10. விநோதமாக வலிக்க விட்டு திரும்பினாள் மணிமேகலையை ஈன்றவள் (3) 12. பெரும் செல்வந்தன் ஆக மாறிய அரச குமாரன் (5) 15. சுந்தரக் கடவுள் தேர்களை ஓட்டி அரசாங்க தமிழர்களை நிலைகுலையச் செய்தார் (6) 16. காவல் இருக்கும் சிறிய அறை தெரிய வேண்டாம் (2) நெடுக்காக: 1. கடைசியில் பரிசு பெறாமல் யார் பெரிசு எனக்குழப்பும் ராமசாமி (4) 2. சம்பள நாளன்று விலையாக போன தேமுதிக தலைவியால் கலவரமானது (3,2) 3. அப்புறமாக கொஞ்சம் அதிகமாக பவுடர் பூசு (3) 4. நடுவில் கொஞ்சம் இழந்ததை மறப்பவன் வீரன் (4) 9. மெய்மறந்து மிதித்ததாக மாற்றியமைக்கப்பட்ட தாளம் (5) 11. கஷ்டத்தில் மிதந்தான் உழவன். மகிழ்ந்தான் இல்லை அமுத மொழி பேசுபவன் (4) 13. பாரததேசச் சின்னமான சத நாயகன் (4) 14. மாதர் மயங்கிய பாரத மன்னர் (3)

Transliteration scheme:

உயிர்	a : அ|aa, A : ஆ|i : இ|ee,I : ஈ|u : உ|oo,U : ஊ|e : எ|ae, E : ஏ|ai : ஐ|o : ஒ|oa,O : ஓ|au : ஔ|
மெய்	k,kh,g : க்|ng,nG : ங்|c,ch,s : ச்|nj,nY : ஞ்|d,t : ட்|N : ண்|dh,th : த்|n-,nt : ந்|b,bh,p : ப்|m : ம்|y : ய்|r : ர்|l : ல்|v,w : வ்|z,zh : ழ்|L : ள்|R : ற்|n : ன்|j : ஜ்|sh : ஷ்|S : ஸ்|h : ஹ்|
உயிர்மெய் (மாதிரி)	ka : க|kaa,kA : கா|ki : கி|kee, kI : கீ|ku : கு|koo,kU : கூ|ke : கெ|kae,kE : கே|kai : கை|ko : கொ|koa,kO : கோ|kau : கௌ|k: க்|
ஆய்தம்	H : ஃ

Close [X]

உங்கள் பெயர்*:

உங்கள் மின்னஞ்சல்*:நகல் அனுப்புக

பெறுனர் மின்னஞ்சல்*:

நகல் மின்னஞ்சல்:

தலைப்பு:

கருத்துக்கள்:

திரைக்கதம்பம் மலர் - 3

திரைக்கதம்பம்    மலர் - 2 ல் கேட்கப்பட்ட கேள்வி:


மெய்யெழுத்துக்களே  தலைப்புகளில் இல்லாத  8, 9, 10, 11 எழுத்துக்களைக் கொண்ட  திரைப்படங்களின்  பெயர்களை  அனுப்ப வேண்டும். 

விடைகள்:

 

மொத்தம் 14 (பதினான்கு) திரைப்படங்கள் இதுவரை மெய்யெழுத்துக்களே தலைப்பில் இன்றி, 8, 9, 10, 11 எழுத்துக்களில் தலைப்புகளாகக் கொண்டு வெளிவந்துள்ளன.

அந்த திரைப்படங்களின் பெயர்களும், அவை வெளிவந்த ஆண்டும் கீழே கொடுக்கப்பட்டுள்ளன. (விடைகள்):

1.    அதிரூப அமராவதி              (1935) - 9
2.    லீலாவதி சுலோசனா          (1936) - 8
3.    அனுபவி ராஜா அனுபவி     (1967) - 10
4.    ஒரு இரவு ஒரு பறவை       (1981) - 10
5.    மாமியாரா மருமகளா         (1982) - 9
6.    ஒரு வாரிசு உருவாகிறது    (1982) - 11
7.    ஒரு ஓடை நதியாகிறது      (1983) - 10
8.    யாரோ எழுதிய கவிதை     (1986) - 9
9.    திருமதி ஒரு வெகுமதி       (1987) - 10
10.  உயிரோடு உயிராக             (1998) - 8
11.  சிகாமணி ரமாமணி           (2001) - 8
12.  இளசு ரவுசு புதுசு                 (2003) - 9
13.  திரு திரு துறு துறு              (2009) - 8
14.  வெயிலோடு விளையாடு   (2012) - 8

இவற்றில் 11 எழுத்துக்களைக் கொண்ட "ஒரு வாரிசு உருவாகிறது" என்ற திரைப்படம் தான், அதிக எழுத்துக்களை மெய்யெழுத்துக்களே இன்றி, தலைப்பாகக் கொண்டு வெளிவந்த திரைப்படம். 

 

திரைக்கதம்பம் மலர் - 3

திரைப்படங்களின் தலைப்புகள் பற்றிய ஆய்வு தொடர்கிறது.

தமிழ் எழுத்துக்களை உயிரெழுத்துக்கள் வருக்கம், உயிர்மெய்யெழுத்துக்கள் வருக்கம் என்று பிரித்துக்கொள்ளலாம்.

 

உயிரெழுத்துக்கள் வருக்கம் :  அ,ஆ,இ,ஈ,உ,ஊ,எ,ஏ,ஐ,ஒ,ஓ,ஔ 

உயிர்மெய்யெழுத்துக்கள் வருக்கம்  மொத்தம் 18.

அவை: க,ங,ச,ஞ,ட,ண,த,ந,ப,ம,ய,ர,ல,வ,ழ,ள,ற,ன - வருக்கங்கள்.

உதாரணமாக,

"க" வருக்கம்:   க, கா, கி, கீ, கு, கூ, கெ, கே, கை, கொ, கோ, கௌ 

"த" வருக்கம்:   த, தா, தி, தீ, து, தூ, தெ, தே, தை, தொ, தோ, தௌ

"ம" வருக்கம்:  ம, மா, மி, மீ, மு, மூ, மெ, மே, மை, மொ, மோ, மௌ

                  

தமிழ் திரைப்படங்களின் தலைப்புகளில், ஒரே வருக்கத்தைக் கொண்டு, ஒரு சில திரைப்படங்களே வெளிவந்துள்ளன.

 

உதாரணமாக, கீழே சில திரைப்படங்களின் பெயர்கள் அல்லாத சில சொற்களைக் கொடுத்திருக்கிறேன்.    பாப்பா, தித்தித்தது, காக்கை    

  

திரைக்கதம்பம்  மலர்  - 3 க்கான கேள்வி:

தமிழ் திரைப்படங்களின் தலைப்புகளில், ஒரே வருக்கத்தைக் கொண்டு, வெளிவந்துள்ள திரைப்படங்களின் பெயர்களை நண்பர்கள் எழுதி அனுப்பலாம். 

 

குறிப்பு:

விடைகள் மொத்தமே  9 (ஒன்பது) திரைப்படங்கள் தான். அவை 2 எழுத்துக்கள் கொண்ட தலைப்பாகக் கூட இருக்கலாம்.   

வேறு மொழியிலிருந்து தமிழ் மொழியாக்கம் செய்யப்பட திரைப்படங்கள் கணக்கில் எடுத்துக்கொள்ள வேண்டாம்.

விடைகளை பின்னூட்டம் மூலமாக எழுதி அனுப்பவும்.

திரைப்படங்களின் பெயர்களை தமிழில் கீழ்க்கண்ட website சென்று பார்க்கலாம்.
http://reversetamilcinema.blogspot.in/2013/02/1940-2012.html
 

ராமராவ்   

திரை குறுக்கெழுத்துப் புதிர் - 2

இந்த குறுக்கெழுத்து புதிரின் விடைகள் அனைத்தும் திரைப்படங்களின் பெயர்களே. ஆனாலும் விடைகளை கண்டுபிடிக்க திரைப்படங்களின் பெயர்கள் அறிந்திருக்கவேண்டும் என்ற அவசியமில்லை. விடைகள் திரைப்படங்களின் பெயர்கள் என்பது கூடுதல் குறிப்புகள். அவ்வளவே. புதிரை வழக்கமான குறுக்கெழுத்துப் புதிராக எடுத்துக்கொண்டு விடைகளை கண்டுபிடிக்கலாம்.

குறுக்காக: 3.தலை எழுத்து மாறினால் கைம்பெண்ணும் கணவனை அடைவாள் (5) 6.சந்து கட்டிடம் இடிக்க கோபித்து கொள்ளக்கூடாது. இது அரசாணை (4) 7.தன் வலையில் சிக்கியவனை தாக்கி முன் செல்பவன் (4) 8.பொன் போன்ற பிள்ளை இருக்க மருமகன் வாசம் வேண்டாமே (3,3) 13.ஒன்றை இழந்து வேறிரு ஸ்வரங்களை சுமந்து நடப்பவள் தனலட்சுமி (3,3) 14.பாரி போல வாரி வழங்குபவர் (4) 15.அப்பனைப் பாடுபவர் தலைசிறந்த வேதம் ஓதாது விவரிக்க தடுமாறினார் (4) 16.தமையன் இளையவனைப் பிறருக்கு அறிமுகப்படுத்தும் விதம் (2,3) நெடுக்காக: 1.கடை சத்தம் இல்லாது இரவில் ஈர்த்து மயக்குதல் (5) 2.விரைந்து செல்ல நாங்கள் நாவறண்டு ஓட்டிய தோணிகள் (5) 4.மன்மதனிடம் இருந்து அறியாமை நீங்கியதால் மானிடனாக மாறினான் (4) 5.கெண்டை தவறவிட்ட சேவலால் கதி கலங்கி பாடிய ராகம் (4) 9.தம்மை மறந்து தடம் பதித்த பாறை இருக்கும் நீர்ப்பரப்பு (3) 10.அமைதி வராமல் குழப்பத்தில் தூரம் போய்விட்ட சோழன் மகள் (5) 11.கால் சதம் கடந்தும் இரண்டாவதாக வந்ததில் கொண்டாட்டம்தான் (3,2) 12.சுகத்தால் தள்ளாடி கடைசியில் தான் கடித்ததால் தப்பித்த சிற்றெறும்பு (4) 13.இடையூறுகளைக் களைந்து சென்றால் வரும் ஐஸ்வர்யம் (4)

Transliteration scheme:

உயிர்	a : அ|aa, A : ஆ|i : இ|ee,I : ஈ|u : உ|oo,U : ஊ|e : எ|ae, E : ஏ|ai : ஐ|o : ஒ|oa,O : ஓ|au : ஔ|
மெய்	k,kh,g : க்|ng,nG : ங்|c,ch,s : ச்|nj,nY : ஞ்|d,t : ட்|N : ண்|dh,th : த்|n-,nt : ந்|b,bh,p : ப்|m : ம்|y : ய்|r : ர்|l : ல்|v,w : வ்|z,zh : ழ்|L : ள்|R : ற்|n : ன்|j : ஜ்|sh : ஷ்|S : ஸ்|h : ஹ்|
உயிர்மெய் (மாதிரி)	ka : க|kaa,kA : கா|ki : கி|kee, kI : கீ|ku : கு|koo,kU : கூ|ke : கெ|kae,kE : கே|kai : கை|ko : கொ|koa,kO : கோ|kau : கௌ|k: க்|
ஆய்தம்	H : ஃ

Close [X]

உங்கள் பெயர்*:

உங்கள் மின்னஞ்சல்*:நகல் அனுப்புக

பெறுனர் மின்னஞ்சல்*:

நகல் மின்னஞ்சல்:

தலைப்பு:

கருத்துக்கள்:

திரைக்கதம்பம் மலர் - 2

திரைக்கதம்பம்    மலர் - 1 ல் கேட்கப்பட்ட கேள்வி:

"ராஜாதி ராஜ ராஜ குலோத்துங்க ராஜ மார்த்தாண்ட  ராஜ  கம்பீர  காத்தவராய  கிருஷ்ண காமராஜன்"

 

திரைப்படத்தை அடுத்து அதிக எழுத்துக்களை தலைப்பாகக்   கொண்டு  தமிழ் மொழியில் வெளிவந்த திரைப்படம்  எது? / திரைப்படங்கள் யாவை? 

சரியான விடைகள்:

1.    உழவுக்கும் தொழிலுக்கும் வந்தனை செய்வோம் 
2.    அழகாய் இருக்கிறாய் பயமாய் இருக்கிறது

இந்த திரைப்படங்களின் தலைப்புகள்  20  எழுத்துக்களைக் கொண்டவை.  

இந்த சரியான விடைகளை அனுப்பியவர்கள்:   Madhav, முத்து, மதுமதி 

 

இவர்கள்  மூவருக்கும் பாராட்டுக்கள்.  நன்றி.

குறிப்பு: 
1.       இரண்டு தலைப்புக்கள் கொண்ட திரைப்படங்கள் கணக்கில் சேராது.
2.       அடுத்து அதிக  (19) எழுத்துக்களை தலைப்பாக கொண்ட திரைப்படங்கள்:  
                 1.  ஆயிரம் தலைவாங்கிய அபூர்வ சிந்தாமணி 
                 2.  பொறந்தாலும் ஆம்பிளையா பொறக்கக்கூடாது 
 

திரைக்கதம்பம் மலர் - 2

திரைப்படங்களின் தலைப்புகள் பற்றிய ஆய்வு தொடர்கிறது.

தமிழ் மொழி,   உயிர் எழுத்துக்கள், மெய்யெழுத்துக்கள், ஆய்த எழுத்து, உயிர்மெய்யெழுத்துக்கள் என மொத்தம் 247 எழுத்துக்களைக்  கொண்டது.  இவற்றைத் தவிர, ஜ, ஸ, ஷ, ஹ   என்ற எழுத்துக்களை அடிப்படையாகக்   கொண்ட  வடமொழி   எழுத்துக்கள்  52ம், தமிழில் உபயோகத்தில் உள்ளன.

 

மெய்யெழுத்துக்களை தவிர, மற்ற எழுத்துக்களில் ஓரெழுத்தை  தலைப்புகளாக  கொண்டு  திரைப்படங்கள் வெளிவந்துள்ளதையும்,  வெளிவரப்போவதையும்  மலர் - 1 ல் பார்த்திருக்கலாம். 

 

ஆனால் ஒன்றுக்கு மேற்பட்ட எழுத்துக்களை தலைப்பாக கொண்டுள்ள திரைப்படங்களை ஆராய்ந்தால்,

ஒரேழுத்துக்குமேல் உயிரெழுத்துக்களை மட்டுமே தலைப்பாக  கொண்டு தமிழில் வெளிவந்த ஒரே திரைப்படம்:          அ ஆ இ ஈ 

 

மெய்யெழுத்துக்களே  இல்லாமல் தலைப்புகளைக் கொண்டு எத்தனையோ  திரைப்படங்கள் வெளிவந்துள்ளன.  உதாரணமாக, மெய்யெழுத்துக்களே  இல்லாமல், 2, 3, 4, 5, 6, 7 எழுத்துக்களைக் கொண்ட  திரைப்படத் தலைப்புகள்:

 

2 எழுத்துக்கள்:   ஆசை,  ஐயா,  குஷி,  பசி,  மாயி ..............

3 எழுத்துக்கள்:   தலைவா,  பிரியா,  அழகி,  மிளகா,  தவசி ..............          

4 எழுத்துக்கள்:   மகாநதி,  சரவணா,  திருடாதே,  பாதபூஜை .............

5 எழுத்துக்கள்:   கலையரசி,  தகதிமிதா,  குடியரசு,  அமராவதி ............

6 எழுத்துக்கள்:   தாமிரபரணி,  பணமா பாசமா, சதி லீலாவதி,  ............

7 எழுத்துக்கள்:   பிரியமானவளே, விவரமான ஆளு, நீ ஒரு மகாராணி  .......

 

இதற்கு மேல் மெய்யெழுத்துக்களே  இல்லாமல்  8, 9, 10, 11 எழுத்துக்களை தலைப்புகளாகக்  கொண்ட  திரைப்படங்கள்  மிகவும் குறைவு.

 

திரைக்கதம்பம்  மலர்  - 2  க்கான கேள்வி:

 

மெய்யெழுத்துக்களே  தலைப்புகளில் இல்லாத  8, 9, 10, 11 எழுத்துக்களைக் கொண்ட  திரைப்படங்களின்  பெயர்களை  நண்பர்கள்  அனுப்ப வேண்டும். நண்பர்களுக்கு எவ்வளவு திரைப்படங்களின் பெயர்கள் தெரிகிறதோ, அவற்றை தொடர்ந்து அனுப்பலாம்.  விடைகளை பின்னூட்டம் மூலமாக அனுப்பவும்.

 

குறிப்பு:
விடைகள் மொத்தமே  15 க்கும்  குறைவான திரைப்படங்கள் தான். ஒரே ஒரு திரைப்படம் தான் மெய்யெழுத்துக்களே  இல்லாமல்  அதிகமாக 11 எழுத்துக்களைக் கொண்டது.  பெரும்பாலான திரைப்படங்கள் 1980 (1980 - 1989) களில் வெளிவந்தவை.  

திரைப்படங்களின் பெயர்களை தமிழில் கீழ்க்கண்ட website சென்று பார்க்கலாம்.

http://reversetamilcinema.blogspot.in/2013/02/1940-2012.html
 

ராமராவ்   

திரை குறுக்கெழுத்துப் புதிர் - 1

இந்த குறுக்கெழுத்து புதிரின் விடைகள் அனைத்தும் திரைப்படங்களின் பெயர்களே. ஆனாலும் விடைகளை கண்டுபிடிக்க திரைப்படங்களின் பெயர்கள் அறிந்திருக்கவேண்டும் என்ற அவசியமில்லை. விடைகள் திரைப்படங்களின் பெயர்கள் என்பது கூடுதல் குறிப்புகள். அவ்வளவே. புதிரை வழக்கமான குறுக்கெழுத்துப் புதிராக எடுத்துக்கொண்டு விடைகளை கண்டுபிடிக்கலாம்.

குறுக்காக: 5.கருநாகம் தீய்ந்துபோக விட்டது நாங்கள்தான் (2) 6.கெட்டியான அல்வாவாகிரு. கரைந்தால் பக்கத்‌தில் கூப்பிடு (1,4,1) 7.தெருப்புறம் ஓரங்களில் காய்வது கேட்கும் திறனற்ற சாமி (4) 8.கலங்கிய அனைவரின் வரிவிலக்கு பெற்றவள் (3) 10.பசு கடவுள் என எண்ணும் ஆள் (3) 12.கனிப்பொருளை இழந்து கலங்கிய சீதாவை கவராது கவர்பவனா? (4) 15.மணிக்(க/கா)ட்டு ஒலி (2,2,2) 16.சவாலில் ராமனால் வஞ்சிக்கப்பட்டவன் (2) நெடுக்காக: 1.இருபக்கமும் பணம் பாழாய் போகும் நகரம் (4) 2.மாலை மலரா மாறி மலரானது (5) 3.ஆறுதலை தரும் இறைவா (3) 4.அர்ஜுனனுக்கு எதிரி? (4) 9.பாழடைந்தாலும் சிறை வசதிக்கு குறையில்லை என்றாள் பார்வதி (5) 11.நட்சத்திரம் இழந்த சாதாரணக் கையா ராஜகுரு? (4) 13.பாதியில் மங்கள வீணை மீட்டுபவள் ஒரு திருடி? (4) 14.கேள்வி வளையம் (3)

Transliteration scheme:

உயிர்	a : அ|aa, A : ஆ|i : இ|ee,I : ஈ|u : உ|oo,U : ஊ|e : எ|ae, E : ஏ|ai : ஐ|o : ஒ|oa,O : ஓ|au : ஔ|
மெய்	k,kh,g : க்|ng,nG : ங்|c,ch,s : ச்|nj,nY : ஞ்|d,t : ட்|N : ண்|dh,th : த்|n-,nt : ந்|b,bh,p : ப்|m : ம்|y : ய்|r : ர்|l : ல்|v,w : வ்|z,zh : ழ்|L : ள்|R : ற்|n : ன்|j : ஜ்|sh : ஷ்|S : ஸ்|h : ஹ்|
உயிர்மெய் (மாதிரி)	ka : க|kaa,kA : கா|ki : கி|kee, kI : கீ|ku : கு|koo,kU : கூ|ke : கெ|kae,kE : கே|kai : கை|ko : கொ|koa,kO : கோ|kau : கௌ|k: க்|
ஆய்தம்	H : ஃ

Close [X]

உங்கள் பெயர்*:

உங்கள் மின்னஞ்சல்*:நகல் அனுப்புக

பெறுனர் மின்னஞ்சல்*:

நகல் மின்னஞ்சல்:

தலைப்பு:

கருத்துக்கள்:

 

மலர் - 1

1931-ம் ஆண்டு வெளிவந்த "காளிதாஸ்" தமிழ் திரைப்படத்தை தொடர்ந்து, இதுநாள்வரை  6000 க்கும் அதிகமான  தமிழ் திரைப்படங்கள் வெளிவந்துள்ளன. மேலும் ஒவ்வொரு ஆண்டும்  100 க்கும் மேற்பட்ட தமிழ் திரைப்படங்கள் வெளிவந்து கொண்டிருக்கின்றன. வேற்று மொழியில் தயாரிக்கப்பட்டு  தமிழில் மொழிமாற்றம் செய்யப்பட்ட திரைப்படங்கள் இந்த பட்டியலில் சேராது.  

 

50 வருடங்களுக்கு முன்பு சில திரைப்படங்களுக்கு இரண்டு தலைப்புகள் வைத்திருந்தனர். உதாரணமாக எம்.ஜி.ஆர். நடித்து 1941ம் ஆண்டு வெளிவந்த திரைப்படத்திற்கு வேதவதி அல்லது சீதா ஜனனம் என்று தலைப்புகள் வைத்திருந்தார்கள். ஆனால்  பிற்காலத்தில் இதுமாதிரியான இரண்டு தலைப்புகள் வைப்பது நிறுத்தப்பட்டுவிட்டது.

 

ஆனால் அக்காலம் முதல் இன்றுவரை  பல தமிழ்  திரைப்படங்களுக்கு  ஏற்கனவே வெளிவந்த திரைப்படத்தின் பெயரையே திரும்பவும்  வைத்துக் கொண்டிருக்கிறார்கள். அந்த அளவுக்கு தமிழ் திரைப்படத் தலைப்புகளுக்கு பஞ்சமாகி விட்டது போலும்.

 

இது போதாதென்று ஒரே தலைப்பைக் கொண்டு இரண்டு அல்லது மூன்று தயாரிப்பாளர்கள் (ஒருவருக்கொருவர் அறியாமல்) திரைப்படங்களை தயாரிக்கிறார்கள். பிறகு விஷயம் தெரிந்தபின் வழக்கு, சமரசம் என்று போய் ஒருவழியாக  சமாதானம் ஆகி, ஒரு தயாரிப்பாளர்  திரைப்படத் தலைப்பை மாற்றிவிடுவார். 

 

முன்பாக சில  தமிழ் திரைப்படங்களுக்கு வேற்று மொழி சொற்களை  (குறிப்பாக ஆங்கில சொற்களை) வைத்திருந்தனர்.  கடந்த கலைஞர் ஆட்சியில்  தமிழில் தயாரிக்கப்பட்டு தமிழ் சொற்களையே தலைப்புகளாக வைக்கும் திரைப்படங்களுக்கு வரிவிலக்கு  அளிப்பதாக அரசாணை வெளியிடப்பட்ட பின்னர், வரிவிலக்கு பெறுவதற்காகவே   தமிழ் திரைப்படங்களுக்கு தமிழ் சொற்களையே தலைப்பாக வைத்துவந்தனர்.  ஆனால் தற்போது  திரும்பவும் வேற்றுமொழிச் சொற்களை தமிழ் திரைப்படங்களுக்கு தலைப்பாக வைப்பது தொடங்கிவிட்டது வேதனைக்குரிய விஷயம். (உதாரணம்:  பீட்சா, வில்லா, ஜில்லா, பிரியாணி, ரம்மி, டீல், பென்சில் போன்றவை).

சில தயாரிப்பாளர்கள் புது திரைப்படத்திற்கு தலைப்பு வைக்காமலேயே, படப்பிடிப்பை தொடங்கி விடுகிறார்கள். சமீபத்தில் அஜீத் நடித்து முடித்துள்ள ஆரம்பம் திரைப்படத்திற்கு தலைப்பை படப்பிடிப்புகள் முடிந்தபின்னர்தான் வைத்தார்கள்.

சில தயாரிப்பாளர்கள் ஒரு தலைப்பை வைத்து படப்பிடிப்பை தொடங்கிவிடுகிறார்கள். பிறகு நடுவில் தலைப்பை மாற்றிவிடுகிறார்கள்.  உதாரணமாக சமீபத்தில் வெளிவந்த நய்யாண்டி திரைப்படத்திற்கு முதலில் வைத்த தலைப்பு - சொட்ட வாள குட்டி.

இப்படியாக திரைப்படத்திற்கு தலைப்பு வைப்பதில் பல முறைகளும், சிக்கல்களும் இருந்து வந்துள்ளன / வருகின்றன.

ஓரெழுத்து திரைப்படங்கள் :

முதன் முதலில் தமிழில் ஓரெழுத்தை தலைப்பாகக் கொண்டு வெளிவந்த திரைப்படம்:  நீ.  1965ல்  இந்த திரைப்படத்தில் ஜெய்சங்கர், ஜெயலலிதா நடித்திருந்தனர். இதன்பின் தமிழில்  ஓரெழுத்தைக்கொண்டு  சில  திரைப்படங்கள் வெளிவந்துள்ளன.  இன்னும் வந்து கொண்டிருக்கின்றன.  

ஓரெழுத்து தலைப்புடைய திரைப்படங்களின் பட்டியல்: (தலைப்பும், வெளிவந்த ஆண்டும்)


1.     நீ             (1965)
2.     தீ             (1981)
3.     ஜி           (2005)
4.     ஈ             (2006)
5.     லீ            (2007)
6.     ஃ             (2008)
7.     பூ            (2008)
8.     க            (2009)
9.     தீ            (2009)
10.   மா         (2010)
11.   வ           (2010)
12.   தா          (2010)
13.   கோ       (2011)
14.   டூ            (2011)
15.   மை       (2012)
16.   கை        (2012)

படப்பிடிப்பில் இருப்பவை:

1.   உ
2.   ஐ

ஒரு எண் கொண்ட திரைப்படங்களின் பட்டியல்:

1.    3              (2012)
2.    4              (2013)
3.    6              (2013)

அதிக தமிழ் எழுத்துக்களை கொண்ட திரைப்படம்:

இதுவரை தமிழில் வெளிவந்த திரைப்படங்களிலேயே, அதிக எழுத்துக்களை (மிக நீளமான) தலைப்பைக் கொண்ட திரைப்படம்:  

ராஜாதி ராஜ ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன் 

மன்சூர் அலி கான் கதாநாயகனாக நடித்து 1993ம் ஆண்டில் வெளிவந்த இந்த திரைப்படத்தின் தலைப்பு மொத்தம்  42  தமிழ் எழுத்துக்களைக் கொண்டது.

இப்போது இந்த மலர் - 1 க்கான  கேள்வி:

அடுத்து அதிக எழுத்துக்களை தலைப்பாகக்   கொண்டு  தமிழ் மொழியில் வெளிவந்த திரைப்படம்  எது? / திரைப்படங்கள் யாவை?
 

விடையை பின்னூட்டம் மூலமாக  28.10.2013 க்குள் அனுப்புங்கள்.


ராமராவ் 

 

 

 

    

திரைக்கதம்பம் - முன்னோட்டம்

வணக்கம் நண்பர்களே,

 

"திரைஜாலம்" வலைப்பிரிவில் கடந்த ஒரு வருடத்திற்கும் மேலாக  கீழ்க்கண்ட புதிர்களை வழங்கி வருகிறேன். 

1. சொல் வரிசை
2. எழுத்துப் படிகள்
3. எழுத்து வரிசை
4. எழுத்து அந்தாதி
5. சொல் அந்தாதி  

இந்த புதிர்களில் பங்கேற்று பல நண்பர்கள் ஆதரவு அளித்து வருவதில் மிக்க மகிழ்ச்சி. மேலும் நண்பர்கள் பெருமளவில் இந்த புதிர்களில் பங்கேற்று மென்மேலும் என்னை  ஊக்குவிப்பீர்கள் என நம்புகிறேன்.

இதே வேளையில்  திரைப்படங்கள், திரைப்படப் பாடல்கள், திரைப்படக் கலைஞர்கள்   பற்றிய வேறுவிதமான கேள்விகளையும் புதிர்களையும் அறிமுகப்படுத்துவதற்காக  மற்றொரு வலைப்பிரிவு "திரைக்கதம்பம்" என்ற தலைப்பில் தொடங்கியிருக்கிறேன்.

 

திரைக்கதம்பத்தில், திரைப்படங்கள், திரைப்படப் பாடல்கள், திரைப்படக் கலைஞர்கள் பற்றிய பல அரிய விஷயங்கள், தொகுப்புகள் இடம் பெறும். நண்பர்கள் பங்கேற்கும் வகையில், ஒவ்வொரு பதிப்பிலும் கேள்விகள் இடம்பெறும்.

 

மேலும், திரைக்கதம்பத்தில் திரை குறுக்கெழுத்துப் புதிர்களும் இடம் பெறும். திரை குறுக்கெழுத்துப் புதிர்கள், திரைப்படங்கள், திரைப்படப் பாடல்கள், திரைக்கலைஞர்கள் பற்றியதாக  இருந்தாலும், அவற்றைப்பற்றி  நன்கு அறியாதவர்கள் கூட பங்கேற்கும் வகையில்  இந்தப் புதிர்கள் அமைந்திருக்கும். .

 
நண்பர்கள் திரைக்கதம்பம் வலைப்பிரிவிலும் "Followers"ல் Click செய்து  இணைந்து, பெருமளவில் பங்கேற்குமாறு வேண்டுகிறேன். நண்பர்கள் திரைக்கதம்பம் பற்றிய கருத்துக்களை பின்னூட்டம் (Comments) மூலமாக அனுப்பலாம்.

 
திரைக்கதம்பம் பதிப்புகள் விரைவில் தொடங்கும்.

நன்றியுடன்,

ராமராவ்